وفاء عامر على طريقة ياسمين عز: لو جوزي قالي هتجوز عليكي هسأله إمتى يا حبيبي

أثارت الفنانة وفاء عامر الجدل، بتصريحاتها  في برنامج «قعدة ستات» مع الإعلامية مروة صبري، والتي شبهها الكثير بتصريحات الإعلامية ياسمين عز.
 

وفاء عامر على طريقة ياسمين عز

وقالت وفاء عامر: «لو جوزي قالي هتجوز عليكي مش هقوله لأ .. بالعكس هسأله إمتى يا حبيبي».

وأضافت وفاء عامر: «جوزي مش هيعمل كده، لكن احنا متفقين إن الممنوع مرغوب ليه أقول لأ، أنا بغير عليه ومفيش حد يقدر ينافسني، لو جالك قالك عاوز أتجوز هو واخد القرار يبقى بيدي لا بيد عمرو، هقول لأ هيتجوز برضو يبقى خليه خايف منك».

تصريحات وفاء عامر 

قالت الفنانة وفاء عامر: "بغسل رجل زوجي لما بيرجع من بره البيت، وهو مبيطلبش ولكن لما ألاقيه تعبان ومحقق لي السعادة اللي نفسي فيها وعامل الحلم اللي أنا بحلم به، ورأيه صائب ومبيقبلش إن حد يجرحني ولا حد ياخد علي حقي ولا يدوس على كرامتي ولا حد يقلل من قيمتي، مفيش مشكلة أغسله رجله".

وتابعت خلال تصريحات ببرنامج "القاهرة اليوم" المذاع على قناة "اليوم": "الزوجة تعمل أي حاجة مع زوجها، وبتوع حقوق المرأة عاوزين يخربوا البيوت لو طالبوا الزوجة متخدمش زوجها ولا تسعد زوجها ولا تحافظ على استقرار بيتها وأسرتها".