شريف مدكور يكشف أسباب عدم زواجه حتى الآن وسر رفضه الإنجاب (فيديو)

قال الإعلامي شريف مدكور: "ارتباطاتي غالبا بتبوظ لإنهم بيكتشفوا إني سي السيد، أنا طبعي وعشرتي صعبة، ومش أي حد يقدر يعيش معايا في مكان واحد لمدة طويلة بسبب النظام والانضباط والنظافة المفرطة وعلشان كده مش عاوز أتجوز".

وسواس شريف مدكور 

وأضاف خلال لقائه ببرنامج "ع المسرح" المذاع على قناة "الحياة": "أنا عندي وسواس في موضوع النظافة والترتيب والنظام، أنا لا أقبل الهرجلة في البيت، ولو الدنيا ضلمة أمشي في البيت أبقى عارف مكان كل حاجة لذلك أنا شخص صعب".
 

ظروف شريف مدكور 

وتابع شريف مدكور: "أنا في فترة من الفترات كنت ممكن أمد إيدي ولكن دلوقتي لا بسبب ظروفي الصحية".

مشكلة شريف مدكور مع الأطفال

ولفت: "أنا مقدرش أقعد مع الأطفال أكتر من نص ساعة، وكنت هبقى أب صعب وبعترف بكده وعلشان كده رافض فكرة الخلفة ولو أتجوز هاتجوز واحدة عندها أطفال علشان متقوليش أنا عايزة أخلف، ومش عايز حد يبقى الولد في مدرسة ويقولوله بص أبوك مش عارف إيه وفكرة التنمر".